الاثنين، 12 يناير 2009

يوم 11 ::تلكس الي


علي غرار عمود محمود معروف الرجل الرياضي المعروف اكتب اليكم هذا التلكس الي وربنا يستر ,,,,,,,,



  • نصر الله:: مدام انت جامد اوي كده وليك كلمه ..استر بناتك و خلي هيفا تهدي اللعب شويه ..ياعالم هيا ناويه تعمل فينا ايه تاني..


  • شعبولا:: فينك ياشعبولا فين اغانيك الوطنيه ..مش غزه بتتضرب برده ولا هو الخبر ليسه موصلش عندكوا.


  • مدحت شلبي: وحياه امك ياأخي بالله عليك متزيع متشات اهلي وزمالك تاني ..ده انت فقر ابن تيييت.


  • سفير اسرائيل ف مصر:: هو البرود اللي عندك ده هتجيبه منين يعني .. يبني اخلع قبل ما السفاره تتفجر بيك.


  • وزير الدفاع الاسرائيلي:: اي قانون حرب بيقول ان الاطفال تتقتل...شكلك مبتخلفش وعندك عقده من الاطفال صح؟ .


  • ابو الهول :: هتفضل ساكت كدا لحد امتي لحد ميخطفوا ام الهول.


  • حبيب قلبي:: هما عايزني منك ايه الناس دي ..اللي عايز يفتح المعبر ميروح هو يعني انت اللي معاك المفتاح.


  • ابن حبيب قلبي:: محدش سمعلك صوت يعني اليومين دول .. اه نسيت ده انت ليسه ف شهر العسل.


  • مرات حبيب قلبي :: القراءه للجميع ..نص اطفال مصر متعرفش الألف من كوز البطاطا..


  • لاعبيه الزمالك :: ربنا يخليكوا لينا عشان تشلونا كمان وكمان..


  • عربيات التبرع بالدم :: اوعي تبيعوا أكياس الدم دي رايحه لناس غلابه ..


  • شعر الصدر :: لو انت نجم الجيل..امال الجيل نفسه عامل ازااي .ولا يكونش قصدهم الجيل اللي بيتحط ع الشعر.


  • .سفرا النوايا الحسنه :: معليش فهمت الاسم غلط مكنتش اعرف انكم سفرا نوايا البلح ...


  • نيرو صحبي :: احلق دقنك يانيرو ...الجو لبش اليومين دول


  • مهند :: بعتفرلك ف التلكس اني كنت ماشي مع نور من زمان وسيبتها عشان فضلت التمثيل عليا ..سامحني يادودي....


  • غزه :: لكي الله والله وحده يكفي..

http://www.facebook.com/group.php?gid=41199894274

الأحد، 11 يناير 2009

يوم10::استفتاء سنما 2008

وجت اللحظه اللي هنحسم فيها ايه احسن افلام اتعرضت في 2008 وايه اعلي الايرادات ومين احسن مخرج واحسن ممثل والذي منه
المهرجان الثانوي اللي بتقيمه مجله " ياحرام مش قادر اتفرج" العربيه شارك فيه اكتر من 40دوله عربيه لاختيار احسن فيلم
وفيما يالي الافلام المشاركه في المهرجان ..و سمعنا صوتك بقي والاختيار بايدك
***************************************************الفيلم الكوميدي ::- عايز مقاس تاني, فيلم عراقي امريكي مشترك ,يحكي قصته عن شاب زهأ من جزمته فرماها في وش صاحب محل الجزم وقاله غيرهالي يعم انا عايز مقاس تاني
الفيلم لم يحقق ايرادات عشان البطل ف المعتقل ..فتم وقف عرض الفيلم ,,وحرق الجزمه
******************************************************************
فيلم الاكشن::افتحلي المعبر والنبي يااحمد,,انتاج عربي مشترك ..قصه الفيلم غير معروفه عشان فيه اتفاقيه بكده..والفيلم يعرض حاليا الفيلم اخراج المخرج العالمي شعر الصدر حسين
***************************************************************************الفيلم المرعب :: تحت النار
انتاج اسرائيلي فلسطيني مشترك
حقق اعلي نسبه مشاهده واعلي نسبه ايرادات حيث وصلت ايراداته الي اكتر من 800 شهيد والبقيه تاتي ..لانه ليسه معروض ......والمدهش ان الفليم يحتوي علي مناظر بشعه ومع ذلك الرقابه لم تعترض علي وقف عرضه او حتي حذف المناظر
*************************************************************************الفليم التسجيلي::- مهمه مستحيله انتاج عربي مشترك ..تدور قصته حول عمليه السلام ف الشرق الاوسط لوقف اطلاق النيرانالفليم يعرض علي طول في شرم الشيخ ولم يحقق الفيلم الايردات المطلوبه
***************************************************************************وقد حصل المشاهد العربي علي لقب احسن مشاهد في سنه 2008 للمره الاف علي التوالي
تحت شعار
صور ذيع ..احسن جمهور احسن تشجيع
المجله بتديك مطلق الحريه ف اختيار احسن فيلم
والجايزه عباره عن سيخ ذهبي من مصانع حديد عز
ياتري الفائز هيعمل ايه بالجايزه؟؟

يوم9 :::: للكبار فقط


هل ممكن يحصل انك عشان فضولك وعشان تعرف ايه اللي بعد كلمه للكبار فقط انك تبيع كل حاجه حتي دينك ....طب تعلوا نشوق القصه دي كدا..صحبنا فضولي جدا ..ومره قبلته الكلمه دي في موقع

..-------------------------------------------------------------------------------------

اما ادخل اشوف في ايه ..يعم طب اهدي بس وفكر مش يمكن يكون فيه حجات قله ادب وحرام تشوفها ماشي ماشي اعرف بس وبعدين ابقي اقرر ..

مش قادر يعم اوعي بقي يعم الضمير مش وقتك دلوقتي

للكبار فقط

ضغطت عليها وانا بدعي من ربنا يكوت اللي ف بالي اغمض عيني وافتحها وانا بتلفت حواليا زي الحراميه وخايف لحد يشوفني يبقي شكلي وحش

افتح عيني ..اه يبن الرخمه ده بيستفذني اكتر وبسالني ......انت اكبر من 18 سنه؟؟ده كده انا بقي لو حتي اقل من 18 سنه وحياه امي لادخل الموضع بقي مشوق جدا...يعني هو هيشوف بطاقتي يعنياه يعم انا اكبر من 18 سنه....وريني بقي عندك ايه


ياكداب مش مصدقك ..لو انت اكبر من 18 سنه ..احلف ..وطبعا انت عارف لو حلفت كدب ايه اللي هيحصلوالله يعم انا اكبر من 18 سنه ولو مش مصدقني انا ممكن اجيبلك ابويا..علي ايه يعم انت حلفت خلاص انجز بقي يارخم...ماشي ماشي بس خد يالك اتي حذرتك..اخلص يازفت..طيب ادخل بقي واتفرج.الادان بيدن الله الله اكبر..وف اللحظه ضميري صحي ..ورحت قايم شويه لحد مخلص الادات ورجعت تانيدخلت لقيت صفحه ..الاستاذ بسالتي ..لازم تسجل الاول..عشان تشوف المستخبي..يبن الجزمه ...انت بتحطبني يعني ..ماشي ..وحياه امك لاسجل



  • الاسم:بوش,,,,,,,,,اسم سهل,طبعا كداب ده اي اسم ..هو انا لسه هفتكر اسمي ايه


  • اسم الدلع::كوتش باتا


  • الرقم السري::*****كلمه قله ادب*****


  • تاكيد الرقم السري:: نفس الكلمه اللي فوق..قله ادب برده


  • ايميلك::


  • salli@hotmail.comتاريخ ميلادك::6/ اكتوبر يوم التصر


  • البلد::مفيش غير اسرائيل وامريكا..مش اشكال ..اسرائيل.........مهو فيه سلام بينا وبينهم


  • الديانه:: يهودي..معلش بقي والله مفيش الاهيا اصلا موجوده فانا لازم اسجل...مهي البطاقه فيها مسلم


  • سؤالك السري::لازم تجاوب بنعم عشان تكمل تسجيل


  • السؤال السري:: هل تحب اسرائيل


  • الاجابه ::نعماضغط تسجيل::ضغطت يعم خلاص


مبروك العضو كوتش باتا لقد سجلت بنجاح


قدامي صفحه وعليها علم اسرائيل من كل حته ..وفيها صوره لاطفال فسطين وهما كلهم دم والخراب والدمار في كل حتهوالعرب كلهم راكعين ع الارض ومذلولين لناس شبه القرود


لا انا مش قادر يارتني مكنت كبير..انا مش عايز اتفرج انا خارج...


رايح فين انت ف كوكب القرود..انت بقيت واحد متتا خلاص ....,,,فهمتوا حاجه


http://www.facebook.com/inbox/?f=1#/group.php?gid=41199894274&ref=ts

يوم 8::::كرومبو ....والمفتاح


قي اهم حاجه دلوقتي ف مصر ان الواحد لازم يتفرج علي حلقات المفتش العبقري كرومبو ونركز اوي ف المسابقه عشان متفتناش اي حاجه ممكن تخلي الواحد زي الحمار وشكله وحش لو معرفش الحل وابني عمي اللي اصغر مني ب 10 سنين تقريبا عرف حل اللغز


كرومبو ..كرومبو ..مع المفتش كرومبو..طبعا مع الموسيقي التصويريه هتبقي عايش ف الدور

اخيرا لقا العرب حل في مشكله غزه والحصار واقعدوا يفكروا كتيير في الاجتماع الاخير وووصلوا لحل انهم يستعينوا بالله ثم الاخ كرومبو حلال العقد والمصايب اللي قدر بسهول يعرف مين اللي خرم كوره علي قوطه وعرف بمنتهي الذكاء ان اشرف دوت كروم هو اللي سرق خروف العيدوبما ان كرومبو دلوقتي اصبح من اشهر واحب الشخصيات في مصر والعالم العربي ..ده غطا علي عمرو ياجدعان وربنا,,وده اللي خلي عمرو ينزل اليومين دول ببرنامج الحلم..عشان طبعا يشغل الناس عن كرومبو


معلينا ...كرومبو المفروض انه هو يحل اللغز ..بس ويعرف مين السبب ..عشان يتحل الموقف ونكسب 5 تلاف دولار ......في المشمش




  • بس كرومبو مفهمش القضيه فعشان كده معرفش الحل ....واكتشف انه فيه قضيه بش للاسف ملهاش حلواعتذر كرومبو عن القضيه دي وقرر انه يدخل دلوقتي في مسابقه تانيه ...


  • وهيا مين اللي سرق مفتاح قفل المعبرركز معايا ف الاسامي وارجع بالذاكره:-


  • 1- عم شنكليح بتاع المفاتيح


  • 2- سيدو كبداكي


  • 3- المعلم حمبله الجزار وكباكا الصبي

انا عرفت الحل وانت كمان لو عرفت اتصل"" باخوننا في غزه يعم وفكك من المسابقه دي الدقيقه بجنيه ونص وفي الاخر مش هتكسب فساعد اخواننا هناك وفكك مني ومن المسابقه""


وابقي قابلوني لو عرفتوا الحل قصدي قابلوني ف الحلقه الجايه


الفائز في حلقه امس اضرب يعم اي اسم واي بلد يعني هو حد عارف حد



محمد جورج قرديحي من عزبه الرمان


وقد تبرع الاخ الفائز بالجائزه كلها لاخواننا في فلسطين .....جزاك الله خير يااخ جورج


http://www.facebook.com/group.php?gid=41199894274

يوم 7:: موجز باهم الاخبار


كل واحد لازم ياخد حقه ف البلد ولازم ندي نشرات الاخبار واهم ماورد اليوم حقه برده لان الناس دي بتموت وبتتعب والمراسلين بتعونا ف كل حته معرضين نفسهم للموت عشاان ينقول لينا الصوره ويكشوف الحقائق ومعناة المواطن المصري في طوابير العيش وحصه كل مواطن من برميل بترول وسعر الجنيه كام مقارنه بقرش الحشيش ....هقولها برده حمره

المكان :: ستوديو رائع وجامد جدا ديكور ولا قصر اللوا ..ومليان تليفزيونات كتير وبشتغلونا ومشغلين قناه الجزيره

الزمان:: وقت ميكونش فيه حد فاضي يتفرج ع التلفزيون ..لاما واكل جامد ونايم ..لاما فيه مطش مهم كيك علي القناه التانيه المصريه ..لاما الريس وصل بسلامه الله لارض الوطن

الاشخاص:: واحد وواحده طبعا ..تقولشي عروسه وعريس وخد بالك هيا اللي لازم تبدأ بالكلام ..ليقولوا علينا ضد المرأه ولا حاجه

الاخبار:: اخبار تهم الشارع المصري لدرجه تخلي اللي بيتفرج فرحان جدا جدا باللي بيشوفه ويضطر يقلب القناه وهو ده المطلوب

الاخبار تاني مره:: ليس لها علاقه بالواقع اصلا...وكل اخبار الريس ..زي بعض ..كل اللي هتعرفه عن سيادته 3 حجات



  • بعث الرئيس مبارك صباح اليوم ببرقيه تهنئه الي .........


  • تاني حاجه بعث الرئيس مبارك صباح اليوم برضه ببرقيه عزاء الي .............


  • تالت حاجه والاخيره وصل الرئيس مبارك بسلامه الله الي ارض وطن وسط احتشاد جمهوري بعوده سلامته ...اشك

ويبقي الحال علي ماهو عليه كل شويه تيجي يتكرر نفس اللي حصل لحد متيجي بقي التفاصيل في نشره 9 اللي بيجي قبليها بخمس دقايق برنامج لفضيله الامام الاكبر ويدعي شويه لمصر ويروح ولينا حواار تاني عن نشره 9 الفظيعه الشنيعه اللي بتعرف منها اخبار الطقس بس والجو بكره هيبقي قشطه ولا هتنيل ف البيت ومنرحش الشغل وتبقي حجه..واقعد استني وف الاخر يجيب كل بلاد العالم ودول مصر وحواريها وميجبش طنطا..ويسبني انا بقي اخمن الجو هيبقي ازاييعم ده انت بتجيب حلايب وشلاتين ..والموضوع مثير لدرجه اني مش عارف اكتب فيه لانه مفيش اخبار اقولهاونلتقي في احداث 24 ساعه


http://www.facebook.com/group.php?gid=41199894274

يوم 6:: مسابقه احلى محجبه على الفيس بوك


ده اسم جروب ع الفيس بوك بس للبنات المحجبه بس مش عارف ليه اكيد صاحب الجروب ده مع حجاب البنت ...وصاحب الجروب متذوق اوي للجمال ويقدر ينقي اجمل الجميلات ع الفيس بوك وكمان المحجبين بس ..تحت شعار بالحجاب احلي.....وعامل الجروب مقفول يعني لازم موافقته عشان تشترك ..يعني من الاخر كده لو انا ولد وعايز اشترك لازم لاما اكون صاحبه لاما اعمل اكونت بنت وادخل بقي..نظام المسابقه..

اصحي معايا وركز

يتم التصويت فى خلال اسبوع من اعلان الجروب عن بدايه التصويت فالمسابقهويتم اعلان الفائز والذى سيتم وضع صورته على واجهه الجروب حتى الانتهاء من المسابقه اللاحقه له ..وخدلي بالك انت هيا دي جايزه الفايز ..عيشوا بقي هتشوفوا مزز كل مره ببلاش من غير بقي ولا تسجيل ولا فيسا

....................................................قوانين المسابقه....................................................

.اولا : - يمنع استخدام الصور الجاهزه..اصده الصور المتركبه ..يعني هنعرف اذا كانت البت حلوه ولا عامله حركات ف الصوره


ثانيا :- يمنع استخدام الصور الشخصيه لغير صاحب الاكونت ..يعني محدش يستظرف ويدخلنا بصوره نجوي كرم ولا لطيفه وتقولي انها هيا ..لا خدي بالك احنا عارفين كل حاجه وحافظينهم واحده واحده

ثالثا : - لا يزيد عدد الصور عن صوره واحده فقط لا غير...اه يعني واحده بس كفايه بس فيها الخلاصه .نفهم منها انتي عايزه ايه

كيفيه التصويت...ركزي معايا دي بقي اهم مرحله........مفيهاش كوسه طبعا ..احنا ضد الكوسها

-. كلمه فوووت بس .......طبعا هو نسي يكتب اشاره للصم والبكم يعمله ايه ماعلينا

ب -. لا يحسب التصويب الا اذا كان بكلمه فوت...ده للتاكيد الباشا فاكر نفسه اذكي البشر وبياكد ان التصويت بكلمه فوت..

ج - . يمنع وضع تعليقان..يعني هو واحد بس كفايه وده طبعا كرم مني ..ولو فيه تعليق تاني يبقي ضيفيني ع الهوت الميل اللي فوق ..وقولهولي وانا اوصله

د - . يمنع التصويت على نفس الصوره اكثر من مره........لا هو يقصد يمنع التصويت علي اكتر من مزه ..معليشي هو ميقصدش------------------------------------------------------طبعا المخالفه لهذه القوانين ستكون لها عواقب وخيمه ..هنضرده من الجروب ذي الكلب

انتظرواااااااااااااااااا الفائزه لهذا الاسبوع

*********الف مبروك اللى كسبت الاسبوع ده

,,يارب انا , ,

مش قادره قول بسرعه بقي يعم,

,خلص بسرعه ..قلبي هيقف,,,,


ست الحته..............هيييييييييييييييييييييييييييييييييييه سيتم وضع صوره ست الحته لمده اسبوع كواجهه للجروب ....الف مبروك ياعروستنا .......والله الوحد محتار يختار مين ولامين


*****************************************************************************

عفوا سيتم الغاء المسابقه الاسبوع القادم ...ليه يعم قالك عشان غزه تحت النار وتعاطفا مع اهل غزه ....


ياتري الباشا صاحب الجروب ده هيختار اخته الاسبوع الجاي لما تشترك ..ولا اخته مش لابسه حجاب ..فملهاش اشتراكحسبي الله ونعم الوكيل

http://www.facebook.com/group.php?gid=41199894274

يوم 5:انا وليشع


يخرب بيت امك ياليشع ده انت بارد برود يالا..كنت بسال ليشع امبارح شويه اساله كده ع الوضع هناك في غزه وايه راي سيادته في الوضع هناك..متيجا نعرف الحوار مشي ازاي مع ليشع الكلب
انا:ازيك ياليشع عامل ايه ..ازيك كده وازي امك؟
ليشع::انا بخير وصحه جيده ولكني مضطرب
انا :من ايه ياحبيبي ..كفي الله الشر
ليشع::الوضع هنا سيئ جدا وانا لا استطيع الذهاب للنادي والجيم بسبب الحصار هنا
انا:: لا قلقتني ياليشع بجد قول فيه ..قول يبني متتكسفش يمكن اقدر اساعدك
ليشع:: انني لا استطيع عمل اي شئ هنا ولا اعرف لماذا انتم العرب لا تريدون السلامانا: سلام ورحمه الله وبركاته.طب يابني ده ماله ومال النادي
ليشع::لقد اصيب صواريخكم حديقه النادي وبالاخص المنضده التي اجلس عليها مع حبيبتي ام يانني انا اكره العرب كللهم لماذا انا ولماذا حطتمتم منضدتي ..انتم ارهابيون
انا:: هيا حمره ؟
ليشع:: نعم انها حمره جدا والجو هنا ملتهب جدا وانا اريد العيش ف سلام
انا:: حاضر ياليشع انا هحاول اقنعهم انهم يبطلوا ضرب وكفايه كده عشان بجد انتوا ترابيزتكوا بتتكسر ومش عارفين تخرجوا النادي ..فين منظمات النوادي .فين لجنه حقوق الانسان..فين سفراء النوايا الحسنه فينك يازعيم فينك يايسرا...حاضر ياليشع هوصل صوتك للعالم كله وهقول ..ليشع مش عارف يقابل ام يانني ..حرام ياعالم
ليشع:: اشكرك جدا ياعزيزي وتذكر اننا نريد السلام ولا غير ذلك
انا: لا شكر علي واجب ياليشع وسلملي علي امك كتييراطفال بتموت كل يوم ملهاش اي ذنب وابن المفضوحه عايز يروح النادي ويقابل ام يانني حسبي الله ونعم الوكيل

http://www.facebook.com/group.php?gid=41199894274#/group.php?gid=41199894274

يوم 4::عجائب الدنيا السبع


يييه للاسف مش هقدر اتكلم ف السياسه انهارده اصل الجو ملبش قوي والدنيا خربانه وكدا فقلت بقي ايه اتكلم شويه عن حضارتنا و عجائب الدنيا السبع بما ان فيهم شويه عجبتين من عند امي بس قبل متكلم عليهم انتوا عايزين الحق ولا ابن عمه طبعا عايزين ابن عمه اصل فيه بقي عجائب دنيا سبع تانيين بس للاسف الغاليه مش فيهم معليشي غيرها في غيرها احنا برده عندنا اهرامات كتيير ده حتي احنا بقي عندنا الهرم الرابع ...ولو 20مليون اتجمعوا ممكنم نبني 20 هرم...موبينل بتقول كده....بس ملحوقه ان شاء الله لما نعدي الصفر نبقي ندخل العجائب دي فيه مكان موجود والله....الاحصائيات بتقول كده ...حمرهدبي ياامي اصبحت من اهم وارقي مدن العالم بمعني الكلمه ..بقيت من غير فراعنه عندها حضاره مش حجاره ..دبي سماها بعض الاجانب ان اوروبا قطعه من دبي تخيل كده نفسك اماراتي الجنسيه ,ياسلام....شوف اد هتبقي فرحان وانت شايف بلدك بيجي فيها عمرو دياب واليسا وهيفاء وروبي حتي بعرور بيعملوا حفلاتهم هناك وممكن كمان تشوف النجوم اللي السينما الامريكيه امثال ...معلينا ده كمان غير انك عندك جميع وسائل الترفيه من ملاهي وجناين وكده عشان لو ناوي تعمل باربيكيوب ...ولا فيه بقي انفلوانزا الطيور ولا بحبك ياحمار ولا الحجات الجميله دي ..هتلاقي هناك طانحات النجوم مش السحاب السحاب دي فكره قديمه..المترو المعلق ف الهوا.. .......خلاص بقي كفايه كده اصل لو كملت ممكن ادخل ف السياسه وانا مش عايز بصراحه...........بس انا برده فرحان اني مصري ..عشان احنا ملوك الجدعنه .....علل:- لماذا لاتحتل دبي مع انها مطمع للغزاه الان ..اشمعنا مصر يعني مطمع للغزاه الاجابه لانه مصريتنا وطنيتنا حماها الله الله الله ادخش يعم علي اللينك دهhttp://www.mazajcafe.com/vb/a-t1582.html

يوم 3 مكرر:: باب نويل


جالي بابا نويل امبارح علب فكره دمه خفيف اوي وكان جايبلي هديه وقالي خد ياسيدو فيطيرك(هديتي يعني)وكلها عشان السنه الجديده قلتله لا انا مش عاوز فطيري انا عاوزك تحققلي امنياتي ..فقالي قول ياسيدو وانا هحاول يعني ..طلباتك اوامر فقعدت ادعي واطلب وهو كان بيقول معايا امين امين ..يالا انتوا كمان ادعوا معاياي وقولوا امينيارب مي عز الدين متعملش افلام السنه دييارب الاهلي ميطلعش اليابان تانييارب تامر حسني يحلق شعر صدره او يتحجب ويريحنايارب بوش ينضرب بالجزمه تاني ومن نفس الصحفي يارب مصر تبقي بخير..وسلام ..ورحمه الله وبركاته يارب مصر تكون بخير ..خد بالك فيه فرق بين تكون وتبقي يارب الزمالك يكسب بني عبيديارب يرجعوا بكار ..يارب يرجعوا بكار ..يارب يرجعوا بكار يارب خالد يوسف يتحرق بجاز وسخ يارب اكون سعيد ...مش سيديارب يكون معايا رقم مجانييارب الاقي الخاتم في السمكه...او الاقي السمكهيارب اخد جايزه نوبل بقي كفايه ظلمياارب خلينا الريس..ده احنا من غيره غلابه,,,,,,يارب وحد صفوف العرب ..واعمل بينهم قعده وصلح عرب ,,,,,يارب اتجــــــــــوزبس كده كفايه اظن كده هكون مبسوط في السنه الجديده 2009رد عليا البابا نويل وقاللي ان شاء الله طلباتك هنجزهالك وكده ..بس موعدكش انه هيبقي فيه قعده عرب عشان العرب اصلا مش عربشكرا لحسن استمعاكم

يوم 3 : لازم الريس يتدخل


لازم ابدأ يومياتي انهارده بالضحك وبجد هتعذروني لما تعرفوا انا بضحكليه لانه مفيش مجال فيكي يابلد بتحصل فيه مشكله كبيره الا ونلاقي الناس بتقول لازم الريس يتدخل يعني مثلا تصحي الصبح وتدخل ع بص وطل تلاقي انه ف الرياضه الريس يتدخل لرجوع الحضري للاهلي ف الفن الريس يتدخل لفض اشتباك فيفي عبده مع مخرج مسلسل سوق الخضار والريس يتدخل لفض النزاع بين عمرو دياب ومحسن جابر وف الادب الريس يتدخل رغم انف الجميع والخ الخ الخ ...هو الريس فاضي ياجماعه بجد حاجه تغيظ يعني هو اي مشكله تحصل لازم نكتب مذكره عشان ندخل فيها الريس من غيره يعني مش هنعيش امال فين الشعب المصري اللي بيبان في الازمات ..وقال ايه اخر مره سمعت فيها ان الريس لازم يتدخل انه يفتح معبر رفح طب وهو يعني البواب بتاع المعبر مثلا هو اللي معاه مفتاح القفل ..اللي عايز يفتح يفتح ياجدعان مش احنا برده ف عصر انفتاح ..معبر ايه اللي هنفتحه ..فيه حجات اهم لازم الريس يفتحها ..زي دريم بارك ودريم لاند ودريم مول ودريم شبرا ..دي الحجات اللي نتكلم فيها مش تقولي معبر رفح ومش عارف ايه ....اخر حاجه احب اقولها لازم الريس يتدخل بسرعه كيك ويخلي عمرو دياب ينجز في الشريط عشان بجد اتأخر وكده زهأنا وكمان يأجل ماتش الاهلي والزمالك الي جاي

يوم 2 عيش اللحظه


احلي حاجه فينا كعرب وبالأخص شعبنا المصري انه شعب مودي يعني بيعيش اللحظه علي راي فودافون عيش اللحظه يعني مثلا انهارده ضرب غزه يبقي احنا كلنا غزه بكره ضرب لبنان يبقي كلنا لبنان امبارح كان ضرب العراق يبقي كلنا عراقوالناس تطلع وتصرخ وتنبح في صوتها وتطلع في مظاهرات وتشجب وتدين وتعيط وفي احيانا ناس بتضرب عساكر الامن في المظاهرات قال يعني مثلا هما دول السبب وف الاخر كله يروح بيته ويشوف اكل عيشه وكنت فين يبني كنت ف مظاهره ...طب متيجي نتبرع يعم هو انا لاقي اكل واللي يعوزه البيت يحرم ع الجامع منتا من شويه كنت عمال تصرخ وتقول بالروح بالدم يفديكي ياغزه طب يالا بقي اعمل باللي بتقولهلا لا خليك في حالك انت كلامنجي ع الفاضي في الاخر اكتشفت اننا شعب بتاع اللحظه بيعيشها في وقتها وبعدين ينسي ..نفس الشئ اللي بيحصل في التلفزيون لما اجي افتحه الاقي امال ماهر بتغتي عربيه ياارض فلسطين.اعرف علي طول ان فلسطين بتنضرب.والاقي كاظم بيغني لبيك بغداد يبقي العراق بتنحرق والاقي شعبولا بيغني لانلفوانزا الطيور يبقي الطيور عندها بردوالاقي هيفاء بتقول انا بردانه اح يبقي الشتا جه وكل يتقل هدومهوف الاخر مفيش حل ولا حد بيتبرع ولا حد بيوقف حرب ولا حد بيدفي هيفاء والناس بتموت بتموت بتموت ....اسال نفسك كده اللي بيموت هناك في اي حته عربيه مهما كانت بياخد ايه من مظاهراتك ..عيش اللحظه

يوم 1 نفسي اقول كلمه من 3 حروف


كلمه 3 حروف بتتقال عاادي جدا في وقت لما تحس ان اللي قدامك عمل حاجه وبكل برود يقولك معليشي مش كان اصدي او انا اسف تعيش وتاخد غيرها .الكلمه دي كنت عاوز اقولها وانا بتفرج علي قناه الجزيره امبارح وشفت حوار الجزيره مع الست ليفني البيضه الحلوه وهي عامله حوار يهودي جزيري خالص مفهمتش حاجه طبعا كاالعاده لاني مليش ف السياسه ومعرفش ايه سبب الحرب اصلا بس لمحت كلمه كدا قبل مغير القناه علي ميلودي واشوف كليب هيفاء الجديد بتاع التفاحه ده لما سمعت الاخت ليفني انها بتقول انهم بيدافعوا عن نفسهم وعن امن شعبهم وانهم عاوزين يحققوا السلامقلت في بالي A seven Aوطبعا شفت كليب هيفاء1


يوميات شاب مهزوم1

يوميات شاب مهزوم


يوميات تعبر عن الواقع من شاب مهزوم بس متخفش مش هيصيبك احباط عشان اصلا احنامش عندنا دم